Abid Barelvi

अश्क आँखों से बहाते हुए मर जाते हैं
इश्क़ की आग बुझाते हुए मर जाते हैं

हाकिम-ए-शहर कहानी से अलग रख हमको
हम ये किरदार निभाते हुए मर जाते हैं

हमसे मत पूछो ये दीवानगी का आलम भी
दश्त की ख़ाक उड़ाते हुए मर जाते हैं

जिस्म का मलबा शब-ओ-रोज़ बिखर जाता है
हम तिरा हिज्र मनाते हुए मर जाते हैं

हम हैं कटते हुए जंगल में तड़पते पंछी
जो रिवायत को बचाते हुए मर जाते हैं

कितने कम-ज़र्फ़ हैं दुनिया में सियासत वाले
आग नफ़रत की लगाते हुए मर जाते हैं

हुस्न-ज़ादों को ख़बर क्या कि मुहब्बत क्या है
सबको 'आबिद' ये लुभाते हुए मर जाते हैं
Abid Barelvi

Ashk aankhon se bahaate hue mar jaate hain
Ishq ki aag bujhaate hue mar jaate hain

Haakim-e-shahar kahani se alag rakh humko
Hum ye kirdar nibhaate hue mar jaate hain

Humse mat poocho ye deewangi ka aalam bhi
Dasht ki khaak udaate hue mar jaate hain

Jism ka malba shab-o-roz bikhar jaata hai
Hum tira hijr manaate hue mar jaate hain

Hum hain kattte hue jungle mein tadapte panchi
Jo riwayat ko bachaate hue mar jaate hain

Kitne kam-zarf hain duniya mein siyasat wale
Aag nafrat ki lagaate hue mar jaate hain

Husn-zadon ko khabar kya ke muhabbat kya hai
Sabko 'Abid' ye lubhaate hue mar jaate hain
Abid Barelvi

اشک آنکھوں سے بہاتے ہوئے مر جاتے ہیں
عشق کی آگ بجھاتے ہوئے مر جاتے ہیں

حاکمِ شہر کہانی سے الگ رکھ ہم کو
ہم یہ کردار نبھاتے ہوئے مر جاتے ہیں

ہم سے مت پوچھو یہ دیوانگی کا عالم بھی
دشت کی خاک اُڑاتے ہوئے مر جاتے ہیں

جسم کا ملبہ شب و روز بکھر جاتا ہے
ہم ترا ہجر مناتے ہوئے مر جاتے ہیں

ہم ہیں کٹتے ہوئے جنگل میں تڑپتے پنچھی
جو روایت کو بچاتے ہوئے مر جاتے ہیں

کتنے کم ظرف ہیں دنیا میں سیاست والے
آگ نفرت کی لگاتے ہوئے مر جاتے ہیں

حُسن زادوں کو خبر کیا کہ محبت کیا ہے
سب کو ‘عابد’ یہ لبھاتے ہوئے مر جاتے ہیں
Abid Barelvi