Mirza Ghalib

ये न थी हमारी क़िस्मत कि विसाल-ए-यार होता
अगर और जीते रहते यही इंतिज़ार होता

तिरे वा'दे पर जिए हम तो ये जान झूट जाना
कि ख़ुशी से मर न जाते अगर ए'तिबार होता

तिरी नाज़ुकी से जाना कि बँधा था अहद बोदा
कभी तू न तोड़ सकता अगर उस्तुवार होता

कोई मेरे दिल से पूछे तिरे तीर-ए-नीम-कश को
ये ख़लिश कहाँ से होती जो जिगर के पार होता

ये कहाँ की दोस्ती है कि बने हैं दोस्त नासेह
कोई चारासाज़ होता कोई ग़म-गुसार होता

रग-ए-संग से टपकता वो लहू कि फिर न थमता
जिसे ग़म समझ रहे हो ये अगर शरार होता

ग़म अगरचे जाँ-गुसिल है प कहाँ बचें कि दिल है
ग़म-ए-इश्क़ गर न होता ग़म-ए-रोज़गार होता

कहूँ किस से मैं कि क्या है शब-ए-ग़म बुरी बला है
मुझे क्या बुरा था मरना अगर एक बार होता

हुए मर के हम जो रुस्वा हुए क्यूँ न ग़र्क़-ए-दरिया
न कभी जनाज़ा उठता न कहीं मज़ार होता

ये मसाईल-ए-तसव्वुफ़ ये तिरा बयान 'ग़ालिब'
तुझे हम वली समझते जो न बादा-ख़्वार होता
Mirza Ghalib

Ye na thi hamari qismat ke visaal-e-yaar hota
Agar aur jeete rehte yahi intezaar hota

Tere wa‘de par jiye hum to ye jaan jhooth jaana
Ke khushi se mar na jaate agar aitbaar hota

Teri naazuki se jaana ke bandha tha ahd boda
Kabhi tu na tod sakta agar ustuwaar hota

Koi mere dil se poochhe tere teer-e-neem-kash ko
Ye khalish kahaan se hoti jo jigar ke paar hota

Ye kahaan ki dosti hai ke bane hain dost naaseh
Koi chaara-saaz hota koi gham-gusaar hota

Rag-e-sang se tapakta wo lahoo ke phir na thamta
Jise gham samajh rahe ho ye agar sharaar hota

Gham agarche jaan-gusil hai pe kahaan bachen ke dil hai
Gham-e-ishq gar na hota gham-e-rozgaar hota

Kahoon kis se main ke kya hai shab-e-gham buri balaa hai
Mujhe kya bura tha marna agar ek baar hota

Hue mar ke hum jo ruswa hue kyun na gharq-e-dariya
Na kabhi janaaza uthta na kahin mazaar hota

Ye masaa’il-e-tasawwuf ye tera bayaan 'Ghalib'
Tujhe hum wali samajhte jo na baada-khaar hota

Mirza Ghalib

یہ نہ تھی ہماری قسمت کہ وصالِ یار ہوتا
اگر اور جیتے رہتے یہی انتظار ہوتا

ترے وعدے پر جیے ہم تو یہ جان جھوٹ جانا
کہ خوشی سے مر نہ جاتے اگر اعتبار ہوتا

تری نازکی سے جانا کہ بندھا تھا عہد بودا
کبھی تُو نہ توڑ سکتا اگر استوار ہوتا

کوئی میرے دل سے پوچھے ترے تیرِ نیم کش کو
یہ خلش کہاں سے ہوتی جو جگر کے پار ہوتا

یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا کوئی غم گسار ہوتا

رگِ سنگ سے ٹپکتا وہ لہو کہ پھر نہ تھمتا
جسے غم سمجھ رہے ہو یہ اگر شرار ہوتا

غم اگرچہ جاں گسل ہے پہ کہاں بچیں کہ دل ہے
غمِ عشق گر نہ ہوتا غمِ روزگار ہوتا

کہوں کس سے میں کہ کیا ہے شبِ غم بری بلا ہے
مجھے کیا بُرا تھا مرنا اگر ایک بار ہوتا

ہوئے مر کے ہم جو رُسوا، ہوئے کیوں نہ غرقِ دریا
ن کبھی جنازہ اٹھتا، نہ کہیں مزار ہوتا

یہ مسائلِ تصوف، یہ ترا بیان غالبؔ
تجھے ہم ولی سمجھتے جو نہ بادہ خوار ہوتا

Mirza Ghalib