आ कि वाबस्ता हैं

आ कि वाबस्ता हैं उस हुस्न की यादें तुझसे
जिसने इस दिल को परी-ख़ाना बना रक्खा था
जिसकी उल्फ़त में भुला रक्खी थी दुनिया हमने
दहर को दहर का अफ़्साना बना रक्खा था

आश्ना हैं तिरे क़दमों से वो राहें जिनपर
उसकी मदहोश जवानी ने इनायत की है
कारवाँ गुज़रे हैं जिनसे उसी रानाई के
जिसकी इन आँखों ने बे-सूद इबादत की है

तुझसे खेली हैं वो महबूब हवाएँ जिनमें
उसके मल्बूस की अफ़्सुर्दा महक बाक़ी है
तुझपे बरसा है उसी बाम से महताब का नूर
जिसमें बीती हुई रातों की कसक बाक़ी है

तूने देखी है वो पेशानी वो रुख़्सार वो होंट
ज़िंदगी जिनके तसव्वुर में लुटा दी हमने
तुझपे उट्ठी हैं वो खोई हुई साहिर आँखें
तुझको मालूम है क्यूँ उम्र गँवा दी हमने

हमपे मुश्तरका हैं एहसान ग़म-ए-उल्फ़त के
इतने एहसान कि गिनवाऊँ तो गिनवा न सकूँ
हमने इस इश्क़ में क्या खोया है क्या सीखा है
जुज़ तिरे और को समझाऊँ तो समझा न सकूँ

आजिज़ी सीखी ग़रीबों की हिमायत सीखी
यास-ओ-हिरमान के दुख-दर्द के मअ'नी सीखे
ज़ेर-दस्तों के मसाइब को समझना सीखा
सर्द आहों के रुख़-ए-ज़र्द के मअ'नी सीखे

जब कहीं बैठके रोते हैं वो बेकस जिनके
अश्क आँखों में बिलकते हुए सो जाते हैं
ना-तवानों के निवालों पे झपटते हैं उक़ाब
बाज़ू तोले हुए मंडलाते हुए आते हैं

जब कभी बिकता है बाज़ार में मज़दूर का गोश्त
शाह-राहों पे ग़रीबों का लहू बहता है
आग-सी सीने में रह-रह के उबलती है न पूछ
अपने दिल पर मुझे क़ाबू ही नहीं रहता है
Faiz Ahmad Faiz

Aa ke waabasta hain us husn ki yaadein tujhse
Jis ne is dil ko pari-khaana bana rakkha tha
Jis ki ulfat mein bhula rakkhi thi duniya hum ne
Dahr ko dahr ka afsaana bana rakkha tha

Aashna hain tere qadmon se wo raahen jin par
Us ki madhosh jawaani ne inayat ki hai
Kaarvaan guzre hain jin se usi ranaa’i ke
Jis ki in aankhon ne be-sood ibaadat ki hai

Tujh se kheli hain wo mehboob hawaayein jin mein
Us ke malboos ki afsurda mehak baaqi hai
Tujh pe barsa hai usi baam se mahtaab ka noor
Jis mein beeti hui raatoN ki kasak baaqi hai

Tune dekhi hai wo peshaani, wo rukh-saar, wo hont
Zindagi jin ke tasavvur mein luta di hum ne
Tujh pe uthi hain wo khoi hui saahir aankhen
Tujh ko maaloom hai kyun umr ganwa di hum ne

Hum pe mushtarka hain ehsaan gham-e-ulfat ke
Itne ehsaan ke ginvaaoon to ginwa na sakoon
Hum ne is ishq mein kya khoya hai kya seekha hai
Juz tere aur ko samjhaaoon to samjha na sakoon

Aajzi seekhi gareebon ki himaayat seekhi
Yaas-o-hirmaan ke dukh-dard ke ma’ani seekhe
Zer-daston ke masaib ko samajhna seekha
Sard aahon ke rukh-e-zard ke ma’ani seekhe

Jab kahin baith ke rote hain wo bekas jin ke
Ashk aankhon mein bilakte hue so jaate hain
Na-tawaanoN ke nivaalon pe jhapat-te hain uqaab
Baazu tole hue mandlate hue aate hain

Jab kabhi bikta hai baazaar mein mazdoor ka gosht
Shah-raahoN pe gareeboN ka lahoo bahta hai
Aag-si seene mein rah-rah ke ubalti hai na poochh
Apne dil par mujhe qaabu hi nahin rehta hai
Faiz Ahmad Faiz

آ کہ وابستہ ہیں اُس حُسن کی یادیں تُجھ سے
جس نے اِس دل کو پری خانہ بنا رکھا تھا
جس کی اُلفت میں بھُلا رکھی تھی دُنیا ہم نے
دَہر کو دَہر کا افسانہ بنا رکھا تھا

آشنا ہیں ترے قدموں سے وہ راہیں جن پر
اُس کی مدہوش جوانی نے عنایت کی ہے
کارواں گُزرے ہیں جن سے اُسی رعنائی کے
جس کی ان آنکھوں نے بے سُود عبادت کی ہے

تجھ سے کھیلی ہیں وہ محبوب ہوائیں جن میں
اُس کے ملبوس کی افسردہ مہک باقی ہے
تجھ پہ برسا ہے اُسی بام سے مہتاب کا نور
جس میں بیٹی ہوئی راتوں کی کسک باقی ہے

تُو نے دیکھی ہے وہ پیشانی، وہ رُخسار، وہ ہونٹ
زندگی جن کے تصور میں لُٹا دی ہم نے
تجھ پہ اُٹھی ہیں وہ کھوئی ہوئی سحر آنکھیں
تجھ کو معلوم ہے کیوں عُمر گنوا دی ہم نے

ہم پہ مشترکہ ہیں احسانِ غمِ اُلفت کے
اتنے احسان کہ گنواؤں تو گنوا نہ سکوں
ہم نے اس عشق میں کیا کھویا ہے کیا سیکھا ہے
جز ترے اور کو سمجھاؤں تو سمجھا نہ سکوں

عاجزی سیکھی غریبوں کی حمایت سیکھی
یاس و حرماں کے دُکھ درد کے معنیٰ سیکھے
زیر دستوں کے مصائب کو سمجھنا سیکھا
سرد آہوں کے رُخِ زرد کے معنیٰ سیکھے

جب کہیں بیٹھ کے روتے ہیں وہ بے کس جن کے
اشک آنکھوں میں بِلکتے ہوئے سو جاتے ہیں
ناتوانوں کے نِوالوں پہ جھپٹتے ہیں عُقاب
بازو تولے ہوئے منڈلاتے ہوئے آتے ہیں

جب کبھی بِکتا ہے بازار میں مزدور کا گوشت
شاہراہوں پہ غریبوں کا لہُو بہتا ہے
آگ سی سینے میں رہ رہ کے اُبلتی ہے نہ پُوچھ
اپنے دل پر مجھے قابو ہی نہیں رہتا ہے
Faiz Ahmad Faiz